معلوماتنا تفيد أنكِ غير منضمه لأسرتنا المتواضعه

سجلي معنا ولن تندمي أبداً بإذن الله



 
الرئيسيةس .و .جبحـثدخولالتسجيل
طريقتان لعمل كعك العيد ونصائح لنجاحه (صور) 5 5 1
شاطر | 
 

 طريقتان لعمل كعك العيد ونصائح لنجاحه (صور)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أمة الله (أم يونس)
المؤسسه والمديره العامه
المؤسسه والمديره العامه


بلد الإقامه: القدس
علم بلادي: عدد المساهمات: 4341
نقاط: 7489
التقييم: 137
تاريخ التسجيل: 03/01/2010
جنسيتكِ: فلسطينيه

مُساهمةموضوع: طريقتان لعمل كعك العيد ونصائح لنجاحه (صور)   السبت أغسطس 13, 2011 12:52 pm



الطريقه الأولى بالسميد الخشن

[b]المقادير:

العجين:
4 كوب سميد خشن
1 كوب سمنة سائحة لحد كوب ونص حسب حاجة السميد
4 ملعقة كبيرة حليب بودرة
2 ملعقة صغيرة محلب
1/2 ملعقة صغيرة مستكة
1 ملعقة صغيرة خميرة
1 كوب ماء دافئ
1 فنجان صغير سكر

الحشوة:
التمر:
اوقية تمر مطحون
1 ملعقة صغيرة محلب مطحون
2 ملعقة صغيرة بهارات كعك
1/2 اصبع زبدة 50 غم

الطريقة:
1) نضع في وعاء السميد ونضيف السمنة (بعد ما نسيحها على نار هادئة) وبنخلطها مع السميد بطريقة الفرك وليس التعجين يعني بتحطي السميد بين ايديكي وبتصيري تفركي فيه او بتفركيه بأصابعك وبتخلطي هيك لتتوزع الزبدة على كل الخليط وبتغطيهم وبتتركيهم مدة يوم كامل لحتى يتشرب السميد السمنة
2) بنضيف المحلب والمستكة والحليب والسكر على السميد (هلأ أنا حطيت فنجان سكر صغير ازا بدك اياه أحلى زيديه شوي وممكن ما تحطي سكر بالمرة وتحطي على وجهه سكر مطحون) وبتحركيهم مع بعض ليختلطو مع بعض
3) الخميرة تذوب في الماء الفاتر مع نص ملعقة صغيرة سكر وتترك 5 دقائق
4) هلأ المي بنصير ندير منها شوي شوي عالسميد وبنفرك بأطراف أصابعنا مو تعجين متل العجين انتبهو لهاد الشي لأنه ازا تعجين رح يطلع يابس الكعك ... هلأ مو شرط نستخدم كل المي .. انه بنضل نعجنها لنحصل على عجينة متماسكة وبس ما بنزيد مي كتير لأنه كمان المي الكتيرة بتطلع الكعك يابس وبس تجهز بنغطيها بنايلون المطبخ وبنتركها 10 دقايق لثلث ساعة ترتاح
5) هلأ بالنسبة للحشوة وهي طبعاً لازم تكون محضرة من قبل ما نعجن عجينة الكعك .. بنخلط مقادير حشوة التمر مع بعضها وبنعجنها منيح لنحصل على عجينة طرية
6) هلأ بالنسبة لتشكيل الكعك بتقطعي من العجينة كرة بالحجم يلي بيناسب الكعكة يلي بدك تعمليها وعجوة بيكون حجمها مناسب للعجينة وتعملي كعك دائري
وبايدك بتعمليها بتشكليها على شكل اصبع متل اصابع الكفتة يعني وباصبعك الابهام بتفتحي فتحة



وبتحطي العجوة وطبعاً كمان بدك تكوني عاملتيها على شكل أصابع



وبتسكريها



وعالطاولة أو في الصينية بتصيري تمديها



وبعدين بتعمليها حلقة وبتوصلي الطرفين مع بعض



وبترتبيها وبتزبطي شكلها



وبتنقشيها بملقط الكعك



أو ممكن تفرديها على ايدك وتفردي العجوة وتحطيها وتسكريها منيح وبنتعملي باصبعك فيها فتحة من النص وبتزبطي شكلها وبتنقشيها بملقط الكعك
7) وبتعملي فيهم هيك لتخلص كل الكمية وأهم شي انه عجينة الكعك ما تتكشف عشان تضل طرية .. يعني بتضلي تاخدي منها شوي شوي وبترجعي بتغطيها لتخلص والكعك يلي بتجهزيه بتصفيه بسدر وبتتركي مسافة 2 سم بين كل كعكة وكعكة



8) بنخبزه على نار أقل من الوسط بشوي ازا حطيناه فوق النار مباشرة .. أو نار متوسطة ازا حطيناه بالطبقة التانية فوق النار يعني مو على الصاجة يلي مباشرة فوق النار يلي بعدها وبنتركه ليتحمر من تحت بس مو يتحمر كتير .. خفيف كتيييير يعني ... شوفوا هاي الصورة للكعك بعد ما تحمر من فوق ومن تحت .. طبعاً الكعك لما بديت أحمره من فوق كان لونه من تحت أخف من هيك .. وبس يتحمر من فوق بياخد من تحت كمان لون زيادة



وبس يتحمر من تحت بنطلعه وبنحمر وجهه ... وبس يطلع من الفرن رح يكون طري لهيك اتركيه شوي بالسدر يعني شي ربع ساعة وبعدين انقليه على شي تاني حتى يبرد وبس يبرد منيح حطيه بعلبه محكمة الاغلاق



ملاحظة: يمكن اضافة قرفة أو حب هيل مطحون كنكهة في حشوة التمر
في حال عمل كميات كبيرة أضيفي زيت قلي ذرة مع السمنة ... يعني لو كنتي بدك تعملي 16 كوب سميد بتحطي 3 -5 كوب سمنة وكوب زيت

نصائح للكعك:
هاي النصائح أنا حكيت بعضها خلال الشرح بس هون للتأكيد:



  • الكعك ما بيتعجن تعجين متل العجين العادي بنفركه فرك أو بنبسه بلغتنا العامية .. التعجين رح يطلعه يابس

  • لا تكتري مي على الكعك لما بدك تعجنيه لأنه كترة المي بتخليه يابس وقلتها بتخليه يفرط .. استخدمي فقط كمية مناسبة وهي الكمية بالزبط لما تبلش العجينة تتماسك وتكون قابلة للتشكيل لحتى تحصلي على كعك متماسك وطري مو يابس

  • لا تتركي عجينة الكعك مكشوفة لأنها رح تنشف

  • عجوة التمر لازم تكون طرية مو يابسة ولا ناشفة لازم تضلي تعجنيها لحتى تصير طرية وممكن تزيدي زبدة لو احتاج الأمر

  • بالنسبة لخبز الكعك أنا بفضل انه ينخبز على نار متوسطة .. بيستوي منيح وبياخد الللون براحته

  • لازم تشيليه من الصواني بعد ما يتماسك لأنه ممكن يتحمر بزيادة ازا ضل بالصينية وييبس كمان

  • لا تكتري مستكة بتعطي طعم مر في الكعك

  • وآخر شي هو انه هاد حجم الكوب يلي بحكي عنه



وصحتيــــــــــــن وعافيــــــــــــــة


الطريقه الثانيه بسميد ناعم ( الفرخه)


المقادير:
العجين:
3 كوب سميد ناعم الفرخة
1/2 كوب طحين
رشة ملح
250-300 غم زبدة أو سمنة ... تقريباً كوب لحد كوب وربع سمنة سايحة
4 ملعقة كبيرة حليب بودرة
2 ملعقة صغيرة محلب
1/2 ملعقة صغيرة مستكة
1/2 ملعقة صغيرة خميرة
1 كوب ماء دافئ
1 فنجان صغير سكر

الحشوة:
التمر:
اوقية تمر مطحون
1 ملعقة صغيرة محلب مطحون
2 ملعقة صغيرة بهارات كعك
1/2 اصبع زبدة 50 غم

الفستق الحلبي أو الجوز:
1.5 كوب فستق حلبي أو جوز مطحون
3/4 كوب سكر ناعم
2 ملعقة كبيرة ماء زهر

الطريقة:
1) نضع في وعاء السميد والطحين ورشة ملح ونضيف الزبدة (يجب أن تكون في درجة حرارة الغرفة سائحة) وبنخلطها مع السميد بطريقة الفرك وليس التعجين يعني بتحطي السميد بين ايديكي وبتصيري تفركي فيه او بتفركيه بأصابعك وبتخلطي هيك لتتوزع الزبدة على كل الخليط وبتغطيهم وبتتركيهم مدة يوم كامل لحتى يتشرب السميد الزبدة
2) بنضيف المحلب والمستكة والحليب والسكر على السميد (هلأ أنا حطيت فنجان سكر صغير ازا بدك اياه أحلى زيديه شوي وممكن ما تحطي سكر بالمرة وتحطي على وجهه سكر مطحون) وبتحركيهم مع بعض ليختلطو مع بعض
3) الخميرة تذوب في الماء الفاتر مع نص ملعقة صغيرة سكر وتترك 5 دقائق
4) هلأ المي بنصير ندير منها شوي شوي عالسميد وبنفرك بأطراف أصابعنا مو تعجين متل العجين انتبهو لهاد الشي لأنه ازا تعجين رح يطلع يابس الكعك ... هلأ مو شرط نستخدم كل المي أنا استخدمت تقريباً 3/4 الكوب .. انه بنضل نعجنها لنحصل على عجينة متماسكة وبس ما بنزيد مي كتير لأنه كمان المي الكتيرة بتطلع الكعك يابس وبس تجهز بنغطيها بنايلون المطبخ وبنتركها 10 دقايق لثلث ساعة ترتاح
5) هلأ بالنسبة للحشوة وهي طبعاً لازم تكون محضرة من قبل ما نعجن عجينة الكعك .. بنخلط مقادير حشوة التمر مع بعضها وبنعجنها منيح لنحصل على عجينة طرية وبالنسبة للفستق بس بنخلطهم مع بعض وازا احتجنا ماء زهر بنضيف لتطلع عجينة مع بعض
6) هلأ بالنسبة لتشكيل الكعك



  • بتقطعي من العجينة كرة بالحجم يلي بيناسب الكعكة يلي بدك تعمليها وعجوة بيكون حجمها مناسب للعجينة وبتفردي العجينة بأصابعك وبتحطي فيها العجوة برضو بتفرديها شوي وبتسكريها منيح وبتحطيها بالقالب وبتضغطي عليه وبتطلعيها

  • أو ممكن تنقشيه بملقط الكعك

  • أو ممكن تعملي كعك دائري وطبعاً الكعك الدائري بس بينفع بحشوة التمر وبتعمليه بانه بتقطعي كرة من العجينة وبايدك بتعمليها بتشكليها على شكل اصبع متل اصابع الكفتة يعني وباصبعك الابهام بتفتحي فتحة وبتحطي العجوة وطبعاً كمان بدك تكوني عاملتيها على شكل أصابع رفيعة وبتسكريها وعالطاولة بتصيري تمديها وبعدين بتعمليها حلقة وبتوصلي الطرفين مع بعض وبترتبيها وبتزبطي شكلها وبتنقشيها بملقط الكعك



  • أو ممكن تفرديها على ايدك وتفردي العجوة وتحطيها وتسكريها منيح وبنتعملي باصبعك فيها فتحة من النص وبتزبطي شكلها وبتنقشيها بملقط الكعك

7) وبتعملي فيهم هيك لتخلص كل الكمية وأهم شي انه عجينة الكعك ما تتكشف عشان تضل طرية .. يعني بتضلي تاخدي منها شوي شوي وبترجعي بتغطيها لتخلص والكعك يلي بتجهزيه بتصفيه بسدر وبتتركي مسافة 2 سم بين كل كعكة وكعكة



8) بنخبزه على نار أقل من الوسط بشوي ازا حطيناه فوق النار مباشرة .. أو نار متوسطة ازا حطيناه بالطبقة التانية فوق النار يعني مو على الصاجة يلي مباشرة فوق النار يلي بعدها وبنتركه ليتحمر من تحت بس مو يتحمر كتير .. خفيف كتيييير يعني وبس يتحمر من تحت بنطلعه وبنحمر وجهه كمان خفيف ... وبس يطلع من الفرن رح يكون طري لهيك اتركيه شوي بالسدر يعني شي ربع ساعة وبعدين انقليه على شي تاني حتى يبرد وبس يبرد منيح حطيه بعلبه محكمة الاغلاق


وصحتيــــــــــــن وعافيــــــــــــــة





[/b]










عدل سابقا من قبل ღ أمـ الله ـة ღ في الإثنين أغسطس 15, 2011 10:05 am عدل 1 مرات
الرجوع الى أعلى الصفحة اذهب الى الأسفل
http://rasoliqudwti.watanearaby.com
ام مي
عضوه vib
عضوه vib


بلد الإقامه: المملكة العربية السعودية
علم بلادي: عدد المساهمات: 9427
نقاط: 10857
التقييم: 55
تاريخ التسجيل: 24/01/2011
العمر: 32
المزاج: الحمد لله معتدل

مُساهمةموضوع: رد: طريقتان لعمل كعك العيد ونصائح لنجاحه (صور)   السبت أغسطس 13, 2011 1:14 pm

ماشاء الله روووووووووووووعه وكتير يشهي يالغالية

بارك الله فيكي

مشكورة لمجهودك الواضح والرائع

تسلم يمينك يالغالية

احلا تقيم لعيونك gif

جزاكي الله خيرا

دمتي برضا الكريم








[center]

الرجوع الى أعلى الصفحة اذهب الى الأسفل
الجوهرةالمكنونة
إداريه سابقه


بلد الإقامه: السعوديه
علم بلادي: عدد المساهمات: 16546
نقاط: 21018
التقييم: 121
تاريخ التسجيل: 05/08/2010
العمل/الترفيه: ربة بيت
المزاج: اللهم لك الحمد كما ينبغي لجلال وجهك وعظيم سلطانك
جنسيتكِ: سعوديه

مُساهمةموضوع: رد: طريقتان لعمل كعك العيد ونصائح لنجاحه (صور)   السبت أغسطس 13, 2011 3:22 pm

رووووووووووووووووعه

امة الله

الله يعطيك العافيه ويحفظك

فعلا لذيذ جدا

جارتي فلسطينيه دايما لمن تعملوه ترسل لي

الله يكتب لها الاجر

طريقه رائعه وسهلها الله لايحرمنا من جديدك يالغاليه










[center]
[center]





[/center]
الرجوع الى أعلى الصفحة اذهب الى الأسفل
ام نبيل
نجمة المنتدى
نجمة المنتدى


بلد الإقامه: مصر
علم بلادي: عدد المساهمات: 14751
نقاط: 21490
التقييم: 185
تاريخ التسجيل: 12/06/2010
العمر: 58
العمل/الترفيه: ربه منزل
المزاج: الحمدلله
جنسيتكِ: مصريه

مُساهمةموضوع: رد: طريقتان لعمل كعك العيد ونصائح لنجاحه (صور)   السبت أغسطس 13, 2011 5:58 pm


ما شاء الله

رووووووغه

أبنتى امه الله
تسلم الايادى
شكله رااااائه وشهى
وصفه سهله

بارك الله فيكى














الرجوع الى أعلى الصفحة اذهب الى الأسفل
 

طريقتان لعمل كعك العيد ونصائح لنجاحه (صور)

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 ::  :: -
Place holder for NS4 only